Հրաչյա Հարությունյանի փաստաբան Էրիկ Չաբանովը հայտարարել է, որ իր պաշտպանյալին դատարան են բերել կանացի խալաթով, քանի որ նա այլ հագուստ չի ունեցել։ Հրաչյա Հարությունյանի արտաքին տեսքը դժգոհության մեծ ալիք է բարձրացրել Հայաստանում։ Ծաղկավոր խալաթը և ռուսական լրատվամիջոցների հրապարակումները այսօր բողոքի ցույցերի պատճառ էին դարձել։ Մի խումբ ակտիվիստներ հավաքվել էին Գյումրիում Ռուսաստանի հյուպատոսության, մեկ այլ խումբ էլ Երևանում գտնվող Ռուսաստանի դեսպանատան դիմաց։