Ուկրաինայի նախագահ Վլադիմիր Զելենսկին հայտարարել է ԱՄՆ-ից և ԵՄ երկրներից զենքի մատակարարումների վերաբերյալ «լավ ազդանշանների» մասին։
«Մենք ներկայումս գործընկերների հետ աշխատում ենք նոր մատակարարումների, Ուկրաինայում զենքի արտադրության ավելացման ուղղությամբ։ Արդեն իսկ կան լավ պայմանավորվածություններ, մենք ակնկալում ենք ավելի շատ համաձայնագրեր, մենք կաշխատենք դրա համար առաջիկա շաբաթներին։ Մենք ունենք քաղաքական ազդանշաններ ամենաբարձր մակարդակով՝ լավ ազդանշաններ, մասնավորապես՝ Ամերիկայի Միացյալ Նահանգներից, մեր եվրոպացի ընկերներից։ Բոլոր հաղորդագրությունների համաձայն՝ մատակարարումները վերսկսվել են», - ասել է Զելենսկին հուլիսի 11-ի իր ելույթում։
Ուկրաինայի նախագահը նաև հավելել է. - «Մենք ակնկալում ենք մոտ ապագայում ուժեղ քայլեր այս պատերազմի համար Ռուսաստանի դեմ պատժամիջոցների վերաբերյալ. ճնշումը պետք է աշխատի»։
ԱՄՆ նախագահ Դոնալդ Թրամփը նախօրեին հայտարարել էր, որ ԱՄՆ-ը կշարունակի Ուկրաինա զենք ուղարկել ՆԱՏՕ-ի միջոցով:
